No día 6 de febreiro tivemos un obradoiro dinamizado por Iago Pico, produtor de Pouland Studios, con quen exploramos a parte técnica (hardware, software) e a artística da creación musical actual.
Creamos entre todos un hit que será publicado en LusoMicroFonia en canto o finalicemos, con instrumentos de percusión, teclado, corda e voces.
Tamén respondeu innumerables preguntas sobre o mundo da música, os inicios, os concertos, a fama, os equipamentos… lanzadas polos participantes, que quedaron con ganas de máis.
Continuará… en Pouland Studios!
