Clica aquí para veres as novas relacionadas cos Obradoiros.
Club de electrónica, multimedia, programación, lectura, linguas estranxeiras, cinema, impresión 3D, robótica, escritura creativa… do que ti queiras!!
- Organizamos obradoiros presenciais e a distancia, fóra do horario lectivo.
- Son gratuítos, teñen unha duración de 5 horas cada un, con posibilidade de diploma.
- Están baseados nas metodoloxías TIC, TAC, ALFIN e contan con tres fases: investigación, produción e publicación.
Propostas para o ano 2025/2026:
- Programación con Python: introdución a unha linguaxe de programación de renome.
- Raspberry Pi: prácticas con este micro computador que integran un pouco de hardware, electrónica, sistemas operativos, redes e programación.
- Edición de vídeo: coa ferramenta kdenlive. Inclúe a participación nun certame, con premios.
- Creación de podcast: con Audacity. Inclúe a participación nun concurso, con premio garantido.
- Impresión 3D: probas cos equipamentos do instituto.
- Lectura estendida: escollemos un libro calquera, facemos unha pequena investigación sobre algún aspecto que conteña e publicamos unha ficha con esa información aquí. Tres obradoiros para participar con libros en galego, en linguas estranxeiras e sobre igualdade e diversidade.
- Portugués, Italiano, Francés, Inglés e Lingua de signos: introdución a estes idiomas prestando especial atención á oralidade e ao contexto informático e laboral.
Outras propostas de maior duración:
- Portugués, Italiano, Francés e Inglés: continuación do obradoiro de introdución cos obxectivos de profundar e certificar oficialmente o nivel.
- Voluntariado: tarefas tradicionais das bibliotecas escolares como alta e baixa de lectores e libros, xestión de préstamos e devolucións, etc. Inclúe un diploma oficial da Xunta de Galicia, de entre 15 e 30 horas. Tamén podes optar a este diploma se participas nun mínimo de tres obradoiros.
- Correspondentes xuvenís: facer eco das propostas destinadas á xuventude a través da creación de produtos multimedia (podcast, vídeo, carteis, etc). Posibilidade de participación en concursos, encontros e xornadas con mocidade galega. Con certificado oficial da Xunta de Galicia.
Queres participar nalgunha das propostas mencionadas? Solicita aquí a túa praza
Queres inserir o calendario de actividades no teu propio Google Calendar? Clic aquí
Tes algunha necesidade concreta de formación (ou simplemente curiosidade) noutra área? Queres dinamizar algún obradoiro sobre algo que se che dea ben? Escríbenos a: clube@iessanclemente.net
Cronograma
Temporalización aproximada
| Actividades 25/26 | Mes |
|---|---|
| Lectura estendida – lingua estranxeira | Outubro e novembro |
| Portugués, Italiano, Francés e Inglés | Outubro (*) |
| Programación con Python | Novembro |
| Raspberry Pi | Novembro |
| Lectura estendida – Galego | Xaneiro e febreiro |
| Edición de vídeo | Xaneiro |
| Lingua de signos | Febreiro |
| Lectura estendida – Igualdade | Abril e maio |
| Creación de podcast | Abril |
| Impresión 3D | Maio |
| Voluntariado na biblioteca | Outubro a maio |
| Correspondentes xuvenís | Outubro a maio |
(*) Ampliable.
Histórico
Queres ver o que fixemos outros anos? Interésache repetir algún destes obradoiros?