Ciencia ficción en inglés.
Autoría: Daniel Keyes
Charlie Gordon sofre unha discapacidade intelectual, ten un cociente intelectual de 68. O seu desexo de ser intelixente “coma os demais”, lévao a ser elixido para probar un tratamento experimental que aumenta o seu intelecto.
En primeira persoa, nos seus informes de progresos, Charlie recolle os seus avances e tamén os seus sentimentos; ora vendo dende os seus ollos que non comprenden, ora véndoo dende as alturas dun xenio.
Publicado en abril de 1959, Keyes recolle con especial sensibilidade a visión dende os ollos de Charlie, gañando o premio Hugo en 1960 ao mellor relato curto de ciencia ficción. Posteriormente, adaptou o relato a unha novela, gañando o premio Nébula en 1966.
